13 Oktyabr 2016-ci il Ümumdünya Görmə Günüdür. Ümumdünya Görmə Günü (World Sight Day) Ümumdünya Səhiyyə Təşkilatının təşəbbüsü ilə hər il oktyabrın ikinci cümə axşamı günü qeyd olunur.Bu tarix korluq problemləri, görmə qabiliyyətinin pisləşməsi və pozğunluğu olan insanların reabilitasiyası kimi məsələlərə ictimaiyyətin diqqətinin yönəldilməsi məqsədi daşıyır.

  Beynəlxalq Korluğun Profilaktikası Agentliyinin məlumatına görə, dünyada təxminən 41 milyon insan korluqdan əziyyət çəkir. Bu insanların 82 faizinin yaşı 50-dən yuxarıdır. Görmə problemləri olanların 19 milyonu isə uşaqlardır. Onların 1,5 milyonu tam korluqdan əziyyət çəkir. Dünyada hər il görmə problemləri olan insanların sayı 45 min artır.