Səhiyyə sahəsində çalışan, öz həyatlarını tibb xidmətinə həsr edən insanlar çox şərəfli adamlardır. Onların hər biri çalışmalıdır ki, bu şərəfli adı daim yüksəklərə qaldırsın.
Heydər Əliyev
Faydalı saytlar

Ən çox soruşulan suallar

Sualınız var?

Sual Göndərin

Mən 2011-ci ilde tibb kollecini bitirmişəm.Təyinat almamış ailə həyatı qurub xarici devlətə getmişəm.Mərkəzləşdirilmiş imtahana girmək ucun sertifikat lazımdı?İmtahana hansı sənədlər lazımdı?

Ali və orta ixtisas tibb təhsil müəssisələrini bitirmiş şəxslər qanunvericiliyə uyğun olaraq  təhsilini təsdiq edən sənədin verildiyi gündən beş il müddətində sertifikasiyadan keçmirlər. İşə qəbulla bağlı suallarınızı isə, Səhiyyə Nazirliyinin rəsmi saytına ünvanlaya bilərsiniz.

sekerli xesteler sertifikasiya imtahani vermelidirlermi.bunun ucun hansi senedler teqdim olunmalidir

Azərbaycan Respublikasında praktik tibb və ya əczaçılıq fəaliyyəti ilə məşğul olan səhiyyə mütəxəssisləri sertifikasiyaya cəlb edilirlər.

1. Nazirlik tərəfindən müəyyən edilmiş formada  ərizə

2. Şəxsiyyət vəsiqəsi və onun surəti ( soyadını dəyişdiyi halda nigah haqqında şəhadətnamə və onun surəti əlavə olunur )

3. Ali və ya orta tibb təhsili haqqında sənədlər ( diplom və internatura) və onların surəti

4. Əmək kitabçası və onun notarial qaydada və yaxud kadrlar şöbəsində təsdiq edilmiş surəti 

5. Kadrlar uçotunun şəxsi vərəqəsi (Özəl tibb müəssisələrində çalışan və işsiz tibb işçilərinə aid edilmir)

6. İxtisasartırma kurslarını keçməsi barədə sənəd və onun surəti

7. Sağlamlıq haqqında arayış – forma AZS086 

8. 3 x 4 sm ölçüdə 2 ədəd fotoşəkil ( ərizəyə yapışdırılır )

 

Men 5illik analig mezuniyyetinddn sonra iwe cixmiwam ve kursda iwtirak etmiwem oz isteyimle.sertifikasiya imtahaninda iwtirak etmeliyem? 3yawacatmamiw uwagim var.

Uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə (peşədə) çalışan qadınlar sertifikasiyaya cəlb edilmirlər. Lakin, siz könüllü olaraq, iştirak edə bilərsiniz.

Men 3 ayliq hamileyem ve 18 ayliq korpem var meni kursa cagirdilar kursu kecdim meni analiq mezuniyyetine kimi imtahana cagirsalar imtahana getmeyim mecburidi yoxsa hamile oldugum ucun muveqqeti olaraq azadam?

Hamilə qadınlar, uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə (peşədə) çalışan qadınlar  sertifikasiyaya cəlb edilmirlər.

Mən Rusiya Federasiyasında ordinatura keçmişəm, bu il 2014 cu il may ayında Azərbaycanda işləmək hüququnu təsdiq edən şəhadətnamə aldım. Mən sertifikasiya imtahanından azadam?

Azərbaycan Respublikasında praktik tibb və ya əczaçılıq fəaliyyəti ilə məşğul olan, ali və orta ixtisas təhsilinə malik, müvafiq qaydada dövri ixtisasartırma kurslarını keçmiş səhiyyə mütəxəssislərinin peşəkarlıq səviyyəsinin və peşə yararlılığının yoxlanılması məqsədi ilə “Əhalinin sağlamlığının qorunması haqqında” Azərbaycan Respublikasının Qanununa müvafiq olaraq onlar beş ildə bir dəfə sertifikasiyaya cəlb edilirlər.

 

 

7 aylıq körpəm var. Məni noyabr ayında imtahana çağırıblar. Mən imtahanda iştirak etməliyəm? Kursda Hamilə vaxtı çağırmışdılar. Kursu keçib dekretə çıxmışam. İndi də imtahana çağırıblar. Mən imtahana nə vaxt hazırlaşmalıyam?

Qanunvericiliyə uyğun olaraq, hamilə qadınlar və uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə (peşədə) çalışan qadınlar Sertifikasiyadan müvəqqəti azaddırlar.

Mən bu il( 2014-2015) tibb universitetinin stomatologiya fakultəsini bitirmişəm. Dövlət işinə duzəlmək üçün nə etməliyəm?

İşə qəbul imtahanı ilə bağlı suallarınızı Səhiyyə Nazirliyinin rəsmi saytına www.health.gov.az -a ünvanlaya bilərsiniz. www.snsk.az yalnız Sertifikasiya prosesi ilə bağlı sualları cavablandırır.

Mikrobiologiya üzrə keciriləcək olan imtahan nə zaman təkrar keçiriləcək?

Mikrobiologiya ixtisası üzrə növbəti imtahan 24.09.2014-cü il tarixində keçiriləcəkdir.

Mən 13.01.2014 tarixində mamaliq ixtisası üzrə test imtahanı vermişəm. Müsahibənin nə vaxt olacağını bilmək istəyirəm .

Müsahibənin keçirilmə  tarixi imtahan zamanı sizə verilən "Bildiriş vərəqəsi" ndə qeyd olunur. Əlavə məlumat almaq üçün 433-08-90 nömrəsinə zəng edin.

Səhv sualların özlərini bilmək istəyirəm (sayını yox).

Test imtahanının nəticələrindən narazı qalan imtahan iştirakçısı bu barədə nəticənin ona elan olunduğu vaxtdan 5 gün müddətində mübahisəyə aydınlıq gətirilməsi üçün Nazirliyin Sertifikasiya Şurasına müraciət edə bilər. Məsələ ərizəçinin iştirakı ilə araşdırılır. 

Sertifikat hansı müddət ərzində etibarlı sayılır ?

Sertifikasiyadan keçən şəxslərə sertifikasiya şəhadətnaməsi verilir və onlar beş il müddətində müvafiq ixtisas üzrə praktik tibb və ya əczaçılıq fəaliyyəti ilə məşğul olmaq hüququ əldə edirlər.

Tibb bacılarının test sualları ilə necə taniş olmaq olar?

Bütün ixtisaslar üzrə nümunəvi test sualları snsk.az saytının "Test nümunələri" bölməsində yerləşdirilib.

Sertifikasiya nədir?

Sertifikasiya - səhiyyə mütəxəssislərinə praktik tibb və ya əczaçılıq fəaliyyəti ilə məşğul olmaq üçün hüquq verən prosesdir. Səhiyyə mütəxəssislərinin sertifikasiyası "Əhalinin sağlamlığının qorunması məqsədi ilə Azərbaycan Respublikasının bəzi qanunvericilik aktlarına əlavələr va dəyişikliklər edilməsi haqqında" Azərbaycan Respublikasının 2009-cu il 20 oktyabr tarixli 891-IIIQD nömrəli Qanununun tətbiq edilmasi barədə" Azərbaycan Respublikası Prezidentinin 21 dekabr 2009-cu il tarixli Fərmanına va Nazirlər Kabinetinin 08 iyun 2010-cu il tarixli 108 nömrəli Qərarı ilə təsdiq edilmiş "Praktik tibb və ya əczaçılıq fəaliyyəti ilə maşğul olan şəxslərin (işçilərin) sertifikasiya qaydası"na uyğun olaraq aparılır.

Sertifikasiyaya kimlər сəlb olunur?
Tabeliyindən va müllkiyyət formasından asılı olmayaraq, səhiyyə müəssisələrində çalışan və özəl praktik tibb və ya əczaçılıq fəaliyyəti ilə maşğul olan ali va orta ixtisas təhsilinə malik, müvafiq qaydada dövri ixtisasartırma kurslarını keçmiş səhiyyə mütəxəssisləri beş ildə bir dəfə sertifikasiyaya calb edilirlər.

Kimlər sertifikasiyadan müvəqqəti azaddır?

Sertifikasiyadan:

  1. Hamilə qadınlar;
  2.  Uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə (peşədə) çalışan qadınlar (uşağını təkbaşına böyüdən kişilər) ;
  3. Ali və orta ixtisas tibb təhsil müəssisələrini, o cümlədən rezidenturanı bitirmiş şəxslər qanunvericiliyə uyğun olaraq  təhsilini təsdiq edən sənədin verildiyi gündən və ixtisasını qanunvericiliyə uyğun olaraq  dəyişdirmiş səhiyyə mütəxəssisləri yeni ixtisasını təsdiq edən sənədin verildiyi gündən beş il müddətində sertifikasiyadan keçmirlər
Sertifikasiya prosesi necə keçirilir?
Sertifikasiya prosesi iki mərhələdə - test imtahanı va müsahibə formasında aparılır. 100 sualdan ibarət test imtahanı üç saat fasiləsiz olaraq keçirilir və səhv cavablar ümumi nəticəyə təsir göstərmir. Hər suala düzgün cavab bir balla qiymətləndirilir (cəmi 100 mümkün bal). 100 sualdan ən azı 60 suala düzgün cavab verən səhiyyə mütəxəssisləri ikinci mərhələyə - müsahibəyə buraxılır. Müsahibə hər bir səhiyyə mütəxəssisinin ixtisasına uyğun olaraq ixtisas Komissiyası tərəfindən aparılır.
Sertifikasiyadan kеçməyən səhiyyə mütəxəssisləri nə etməlidir?
Sertifikasiyadan kеçməyən səhiyyə mütəxəssisləri 6 ay müddətində iş yeri saxlanılmaqla, müvafiq tədris müəssisələrində peşə hazırlığı keçərək, təkrar sertifikasiyadan keçmək məqsədilə ixtisasları üzrə növbəti imtahanlarda iştirak etmak üçün Sertifikasiya Komissiyasına müraciət etməlidirlər.

Sertifikasiya prosesində könüllü olaraq iştirak etmək  mümkündürmü?

Bəli. Sertifikasiya prosesi ilə bağlı keçirilən imtahanlarda könüllü surətdə iştirak etmak istəyən səhiyyə mütəxəssisləri Səhiyyə Nazirliyinin Sertifikasiya Komissiyasına müraciət edə bilərlər

Sertifikasiya imtahanlarında iştirak etmək üçün tələb olunan sənədlər hansılardır?

- Nazirlik tərəfindən müəyyən edilmiş formada ərizə;

-  şəxsiyyət vəsiqəsi və onunsurəti;

-  ali və ya orta tibbtəhsili haqqında sənəd (diplom) və onun surəti;

-  əmək kitabçası və onun notarial qaydada və yaxud kadrlar şöbəsində təsdiq edilmiş surəti;

-  kadrlar uçotunun şəxsi vərəqəsi;

-  ixtisasartırma kurslarını keçməsi barədə sənəd və onun surəti;

-  sağlamlıq haqqında arayış;

-  3x4 ölçüdə 2 ədəd fotoşəkil;

İmtahana gələrkən hansı sənədlər təqdim edilir?
Test imtahanına gələn şəxslər test imtahanına buraxılış vərəqəsini və şəxsiyyət vəsiqəsini özləri ilə gətirməlidirlər. Göstərilən sənədlərin biri olmadıqda, həmin şəxs imtahana buraxılmır.