2000-ci ildən başlayaraq, hər il sentyabr ayının ikinci şənbə  günü,  Beynəlxalq Qızıl Xaç və Qızıl Aypara Cəmiyyətləri Federasiyasının təşəbbüsü ilə   Ümumdünya İlk Tibbi Yardım Günü kimi qeyd edilir. Hər il Federasiyaya üzv olan dövlətlər müxtəlif tədbir və mərasimlər təşkil edərək, ilk yardımın önəmi barədə dünya əhalisini məlumatlandırırlar.

Günün qeyd olunmasında əsas məqsəd  aşağıdakılardır:

 - Cəmiyyəti ilk yardım barəsində maarifləndirmək;

 - Hər bir şəxsin həyat qurtarmaq məqsədi ilə ilk yardım metodlarını öyrənmək və tətbiq etmək üçün kifayət qədər potensiala sahib olduğunu insanları inandırmaq;

 - İlk yardım mövzusunun mətbuatda daha geniş işıqlandırılmasını təşkil etmək;

 - " İlk Yardım Könüllülərinin" sayının artırılmasını təmin etməkdir.